FACENDO AMIG@S POR SKYPE

O alumnado de 1º ESO dos ENDL de As Barxas e do IES de Mos coñécense por Skype.

   Comezamos as nosas primeiras sesións de skype. Fixemos unha presentación para saber os nosos nomes, afeccións, etc, porque aínda estamos a coñecernos.
   E xa observamos que entre moit@s danse similitudes nos nosos gustos xa que, aínda que de concellos diferentes, a idade aproxímanos.

         

REGUEIFANDO

   O 19 e o 26 de febreiro, alumn@s de 2º da ESO asistiron aos obradoiros de regueifas. Josiño explicounos a orixe das regueifas e ensinounos a improvisar seguindo o modelo da copla popular. 

   Foi difícil escoller a dez regueifeir@s para a final do Morrazo, porque contamos cun alumnado de moita calidade improvisando poesía popular. O 9 de abril terán que disputar as súas coplas co alumnado doutros centros e temos a seguridade de que As Barxas vai quedar en moi bo lugar.

REMATE DE CAMPAÑA E PHOTOCALL ROSALÍA

   As Barxas rematou a Campaña!!!
   Algúns A FORZA acompañounos e remataron "jedi" en galego. Outros caeron no lado escuro, aguantando máis ou menos días; pero foron facendo camiño.

   Para ver os vosos vídeos, estamos a penduralos no blog:

   https://21diasengalegoasbarxas.blogspot.com/

   Pedímosvos paciencia, se non atopades o voso vídeo. Estamos a penduralos aos poucos e tamén temos pensado facer uns vídeos en grupo coas vosas valoracións. 

   Para ver as vosas fotos xunto a Rosalía, remitímosvos ao Instagram de Irma e Alba. Alí, estas dúas alumnas de 4º están á vosa disposición para todo o que queira fotografarse facendo promoción da nosa lingua.

https://instagram.com/falemosgalego?utm_source=ig_profile_share&igshid=oz8o7w3wo9t0

MOAÑA: 21 DÍAS EN GALEGO

     O día 1 de febreiro comezamos a nosa singradura en Moaña. En As Barxas arrincamos con 148 alumn@s e moita alegría.
     E para o inicio de campaña, tivemos a alcaldesa, Leticia Santos, e ao concelleiro de ensino, Aldán Santamarina, no noso instituto.

     E saímos na prensa:https://www.farodefigo.es/portada-o-morrazo/2019/02/02/moana-fala-21-dias-galego/2044360.html

EXPOSICIÓN DE CARTEIS A PROL DA LINGUA

     Para animar a Campaña da lingua, fixemos uns marabillosos carteis a prol do noso idioma. Puxémolos a tender para que corran ceibes como o galego no noso instituto.

 

 

CARANVEXO TV

     Aí vai o telexornal de As Barxas. @s nos@s reporteir@s andan ás voltas co Festival de Teatro do Morrazo e coa Campaña "Moaña: 21 días en galego" .
                        Se queres ver as nosas reportaxes, preme no enlace que esta por riba do noso caranguexo:

                                                   Caranvexornal As Barxas

CRES EN PANTASMAS?

          Co gallo do Samaín, decidimos crear unha curtametraxe que fixese referencia á literatura oral da Santa Compaña. Demorou máis do que pensabamos pero ao final saíu adiante.
          Este proxecto foi realizado completamente por alumn@s, agás da pequena actuación de dúas profesoras. El@s elaboraron o guión, rodaron, actuaron... Os meus parabéns ao alumnado do ENDL!