"Os inadaptados son por definición os insatisfeitos do mundo sensible, os nemigos da realidade cotiá, os que procuran fuxir do medio que os rodea. De aquí a concepción da arte como evasión." - V. Risco

domingo, 20 de enero de 2019

CRES EN PANTASMAS?

          Co gallo do Samaín, decidimos crear unha curtametraxe que fixese referencia á literatura oral da Santa Compaña. Demorou máis do que pensabamos pero ao final saíu adiante.
          Este proxecto foi realizado completamente por alumn@s, agás da pequena actuación de dúas profesoras. El@s elaboraron o guión, rodaron, actuaron... Os meus parabéns ao alumnado do ENDL!



jueves, 29 de noviembre de 2018

GUÍA DE LECTURAS PARA SECUNDARIA. AS NOSAS LECTURAS


Como todos os anos, xa saíu do forno a nova guía de lecturas da Coordinadora de Equipos de Dinamización Lingüística do Morrazo. Desta vez, veu uns días antes por se os nosos grandes lectores queren ter suxestións para anticiparse a posibles agasallos ou compras de Nadal.

Para o que lle pique a curiosidade e aínda non recibiu a guía impresa, ten a opción de poder consultala aquí.

E, por suposto, o noso agradecemento e parabéns a ese profesorado implicado na súa elaboración; docentes que, de balde, ofrécennos o seu tempo libre para compartir connosco o seu amor pola divulgación da lectura en galego.


TOPONIMIA. O NOSO HERDO



Durante tres días consecutivos (26, 27 e 28 de novembro),  tivemos a sorte de ter connosco a Soledad Ríos para ensinarnos a importancia da toponimia, un xeito de atoparnos coa pegada dos nosos devanceiros. 

A través dunha actividade dividida en dúas partes, teórica e obradoiro, o noso alumnado de 4º da ESO, dun xeito activo, puido coñecer a procedencia e a formación de moitos topónimos moañeses.

A actividade suscitou tanto interese que mesmo se atreveron á pescuda dalgún que outro patronímico dalgún alumno.




martes, 13 de noviembre de 2018

MAGOSTO NAS BARXAS !!!

            O venres 9 de novembro tivemos magosto!!!
Alén de comer as saborosas castañas, enredamos con vinte e catro  xogos populares (bolos, carreiras de carozos de millo, cruz de espigos, labirinto colgante, pa furada, pescar peixes, quebracabezas, buxainas, zancos de corda, etc). E, por suposto, o alumnado do ENL foron os encargados dos xogos ( montaron e desmontaron os xogos, fixeron de monitores e árbitros…).







       
E este marabilloso tempo de lecer, estivo amenizado por música popular galega. Bailamos ao son das gaitas, pandeiretas, bombos… do alumnado colaborador do ENL. Realmente, foi unha festa rachada!




         


                               


















jueves, 1 de noviembre de 2018

O SAMAÍN

             Do 29 ao 31 de outubro a nosa rapazada expón deseños de cabazas do máis orixinais. Desde o equipo de normalización, o alumnado de primeiro da ESO expón traballos sobre o Samaín (orixe, tradicións en Galiza, relación co mundo celta, etc).










domingo, 28 de octubre de 2018

"GOLDI LIBRE"

            O 26 de outubro, o alumnado de primeiro de bacharelato, a través do programa “Ponteatro”, asistiu ao Teatro Principal de Pontevedra para ver o espectáculo “Goldi Libre” do Grupo Chévere.

A obra sitúanos na época da transición española e na loita dos movemento de insubmisión  que levou a centos de mozos ao cárcere. “Goldi Libre” é un testemuño persoal do propio César Goldi, actor que padeceu a perda de liberdade como preso de conciencia por negarse a realizar tanto o servizo militar como a prestación social substitutoria.

“Goldi Libre” traslada unha realidade moi próxima temporalmente, anos 80 e 90, pero moi afastada do noso alumnado, os cales descoñecían os movementos que fixeron posible que a mili e a prestación social substitutoria deixasen de ser obrigatorias para os mozos que cumprían a maioría de idade.


MOAÑA, HISTORIA FOTOGRÁFICA

            O día 2 de outubro tivemos a sorte de ter connosco a Xosé Carlos Villaverde, Xesús Cancelas Franco e Manuel Anxo Méndez; membros da asociación  Agrupación Cultural Nós e autores dos catro tomos de Moaña, historia fotográfica
Grazas a eles, o alumnado de 3º da ESO, a través da ollada da fotografía, mergullouse na historia moañesa do século XX e reflexionou, en branco e negro, sobre as mudanzas da nosa vila (paisaxe, oficios, costumes ...)
A esta actividade, que o EDNL leva desenvolvendo estes anos, achegámonos por mediación do programa do concello Moaña Aprende.