"Os inadaptados son por definición os insatisfeitos do mundo sensible, os nemigos da realidade cotiá, os que procuran fuxir do medio que os rodea. De aquí a concepción da arte como evasión." - V. Risco

viernes, 29 de junio de 2018

ACTUACIÓN SU GARRIDO

Finalmente trouxemos a actuación prevista para a semana das letras e que non foi posible efectuar daquelas pola sobrecarga de actividades. Así que cara final do curso visitounos a poeta Su Garrido Pombo que nos ofreceu preto dunha hora de recital musicado á guitarra das obras actuais do verso en galego. O alumnado do Club de Letura, do EDNL e de galego gozou do seu bo facer. Ademais dos citados tamén colabora a Biblioteca.

Canto talento ten esta moza!!


viernes, 8 de junio de 2018

CASTELAO IN SITU


 O  17 de xaneiro, cincuenta e tres alumnos de 4º ESO desprazáronse a Pontevedra para participar en dúas actividades organizadas polo Departamento de Lingua Galega na que colaborou o EDNL do Centro

1) Visita á Sala Castelao do Museo de Pontevedra. Con base na observación dos fondos do autor rianxeiro que se encontran expostos (debuxos, caricaturas, cadros, máscaras teatrais, carteis...) e outros relacionados coa súa figura, o alumnado realizou unha unidade didáctica elaborada polo propio museo.
2) Roteiro Castelao. Cun documentado e ameno guía fornecido polo Concello de Pontevedra, demos un longo paseo pola Boa Vila (principalmente pola zona histórica), onde non só nos explicaron os lugares relacionados con Castelao senón que tamén nos deron interesantes informacións sobre a evolución histórica da cidade


CARANVEXOTV


O Concello de Moaña en colboración cos EDNL dos centros bota a andar esta canle televisiva escolar que servirá para aloxar a produción audiovisual e para publicar traballos colaborativos. Longa vida!

Podedelo seguir en

O HOME QUE ODIABA O PASADO

Colaboración entre o EDNLinguaquetraba -guión- e o alumnado de Educación Plástica e Audiovisual de 4º ESO que xunto á súa profesora Luz Beloso tiraron para adiante con este proxecto finalmente estreado no VII festival Audiovisual de As Barxas do Caranguexo films

Hai que dicir tamén que as outras curtas e realizacións audiovisuais de Plástica As Barxas do presente curso son tamén espectaculares e que na inmensa maioría foron feitas en galego. Parabéns!!

https://www.youtube.com/watch?v=b1Em4qs_0O8

TRIBO


así se chama o traballo do EDNLinguaquetraba do presente curso integramente feito polos integrantes do equipo e no que tamén contamos coa colaboración da profe Inés Padín a quen lle agradecemos a súa valía. Material gravado durante os recreos que finalmente deu os seus froitos.



Cacho actorazas e actorazos!!!     https://www.youtube.com/watch?v=lCSmiUa1ILo

O CAMALEÓN

Rematamos así de editar o traballo emprendido o curso anterior de gravar unha canción a prol do idioma. A letra e moitos dos actores son do EDNLinguaquetraba e o resto de autores e actores e o traballo de audio e edición do obradoiro Música As Barxas

QUEN TEN CÚ TEN MEDO


Curta de Samaín feita polo EDNLinguaquetraba e na que participaron entusiastamente o Xefe de Estudos e a dona da Cafetería. Foi amplamente difundido